વલસાડમાં મિલકત વેરાની 75 ટકા વસુલાત, પાલિકાને મોટી સફળતા | Valsad Municipality Achieves 75% Property Tax Collection

વલસાડ શહેરમાં મિલકતધારકો પાસેથી નાણાંકીય વર્ષ 2025–26 દરમિયાન એપ્રિલથી ડિસેમ્બર સમયગાળા સુધીમાં 75 ટકા મિલકત વેરાની વસુલાત થવામાં સફળતા મળી છે. Valsad Municipality દ્વારા ચાલુ નાણાંકીય વર્ષમાં સો ટકા વેરા વસુલાત કરવાનો લક્ષ્ય નક્કી કરવામાં આવ્યો હતો, જેમાં અત્યાર સુધી મળેલી મોટી સફળતાથી શહેરના વિકાસ અને સુવિધાના કામોમાં વેગ મળશે એવી આશા વ્યક્ત કરવામાં આવી રહી છે.

વલસાડ નગરપાલિકાની હાઉસ ટેક્સ શાખા દ્વારા એપ્રિલ મહિનાથી જ મિલકત વેરાની વસુલાત માટે કામગીરી શરૂ કરવામાં આવી હતી. નાણાંકીય વર્ષ 2025–26માં હાઉસ ટેક્સ સુપરિન્ટેન્ડેન્ટ રમણભાઈ રાઠોડના માર્ગદર્શન હેઠળ તેમની ટીમે શહેરના મિલકતધારકોનો રૂબરૂ તેમજ ફોન કોલ દ્વારા સતત સંપર્ક કરી વેરા બિલની રકમ ભરાવવા માટે જાગૃતિ ફેલાવી હતી.

વેરા વસુલાતની ઝુંબેશ દરમિયાન એપ્રિલથી મિલકત વેરા સાથે વળતર સહિતની કાર્યવાહી કરવામાં આવી હતી. આ પ્રયાસોના પરિણામે શહેરના કરદાતાઓએ જવાબદારી દાખવીને કુલ રૂ. 14.47 કરોડ જેટલો વેરો ભર્યો છે, જે કુલ લક્ષ્યના આશરે 75 ટકા બરાબર થાય છે.

પાલિકા અધિકારીઓના જણાવ્યા મુજબ આ ઝુંબેશમાં મોટાભાગના કરદાતાઓએ સહકાર આપ્યો છે અને નગરપાલિકાના વિકાસકાર્યો માટે પોતાની ફરજ નિભાવેલી છે. હાઉસ ટેક્સ વિભાગ દ્વારા વર્ષના અંત સુધીમાં 90 ટકાથી વધુ વેરા વસુલાત કરવાનો ટાર્ગેટ નક્કી કરવામાં આવ્યો છે, જેને પ્રાપ્ત કરવા માટે આગામી સમયમાં પણ સઘન પ્રયત્નો ચાલુ રાખવામાં આવશે.

#Valsad #ValsadMunicipality #PropertyTax #HouseTax #MunicipalRevenue #GujaratNews #CivicUpdate #TaxCollection

📌 નોંધ / Note:
આ લેખ LokGujarati.com પર પ્રકાશિત કરવામાં આવ્યો છે. લેખમાં રજૂ થયેલી માહિતી જાહેર સ્ત્રોતો, સ્થાનિક જાણકારી, Field Observations અને લેખકના અવલોકન પર આધારિત છે. આ માહિતી ખાસ કરીને Vapi, Valsad, Umbergaon, Bilimora, Navsari, Dang, Dharampur–Kaprada, Daman–Silvassa વિસ્તારના વાચકો માટે ઉપયોગી થાય તે હેતુથી રજૂ કરવામાં આવી છે.

LokGujarati.com નો મુખ્ય હેતુ Gujarati Readers સુધી સાચી, ઉપયોગી, Factual અને Verified Information પહોંચાડવાનો છે, જેથી સમાજ, સંસ્કૃતિ, Lifestyle અને Local Awareness વધુ મજબૂત બને.

જો તમને આ લેખ ઉપયોગી લાગ્યો હોય તો તેને Share કરો અને તમારા વિચારો Comment Section માં જણાવો.
Local information, Culture, Society અને Community-focused Content માટે LokGujarati.com સાથે જોડાયેલા રહો.