Author: TeamLokGujarati

નવસારી પંથકમાં આ વર્ષે મહાશિવરાત્રિના પર્વ દરમિયાન વાતાવરણમાં વિચિત્ર પલટો જોવા મળ્યો છે. સામાન્ય રીતે આ તહેવાર પર ઠંડીનો અનુભવ થતો હોય છે, પરંતુ 15 ફેબ્રુઆરી 2026 ના રોજ શિવરાત્રિના દિવસે ઠંડકને બદલે સાધારણ ગરમીનો અહેસાસ થયો હતો. શનિવારે નવસારીમાં મહત્તમ તાપમાન 34 ડિગ્રી સેલ્સિયસ નોંધાયું હતું, જ્યારે શુક્રવારે પારો 34.5 ડિગ્રી સુધી પહોંચી ગયો હતો. બપોરના સમયે આકરી ગરમીને કારણે શિવાલયોમાં દર્શને આવતા ભક્તોએ ગરમીનો સામનો કરવો પડ્યો હતો. લઘુત્તમ તાપમાનમાં પણ નોંધપાત્ર વધારો જોવા મળ્યો હતો. શનિવારે રાત્રે લઘુત્તમ તાપમાન 18.5 ડિગ્રી જેટલું ઊંચું રહેતા રાત્રિ દરમિયાન પણ…

વલસાડ અને નવસારી જિલ્લામાં મહાશિવરાત્રિના પર્વે આસ્થા સાથે આરોગવામાં આવતા પિંડી કંદમૂળની ખેતી પર આ વર્ષે મોટું સંકટ તોળાયું છે. ગણદેવી તાલુકાના અંબિકા નદી કિનારે આવેલા સામરાવાડી અને કછોલી વિસ્તારમાં જંગલી ડુક્કરોના ભારે ત્રાસને કારણે સીમાંત ખેડૂતોએ પિંડીની ખેતીમાં મોટો કાપ મૂક્યો છે. સામરાવાડીના ખેડૂત વિજયભાઈ તલાવિયાના જણાવ્યા મુજબ, ડુક્કરો જમીનમાં તૈયાર થતા આ કંદમૂળને ખોદીને નષ્ટ કરી નાખતા હોવાથી આ વર્ષે અનેક ખેડૂતોએ પિંડી રોપવાનું જ માંડી વાળ્યું છે, જેના કારણે તેમની આવક પર સીધી અસર પડી છે. નવસારી જિલ્લાના ખખવાડા, ગડત, માણેકપુર અને સોનવાડી જેવા વિસ્તારોમાં પિંડીની ખેતી…

વાપીના મધુમતી વિસ્તારમાં આવેલ ચિંતામણી પાર્શ્વનાથ શ્વેતાંબર મૂર્તિપૂજક જૈન સંઘ ખાતે જૈનાચાર્ય પૂ. પદ્મદર્શનસૂરિજી મહારાજની પાવન નિશ્રામાં એક ભવ્ય ધર્મસભાનું આયોજન કરવામાં આવ્યું હતું. આ ધાર્મિક કાર્યક્રમમાં આચાર્યશ્રીએ વર્તમાન સમયના માનવીની જીવનશૈલી અને માનસિક અશાંતિ પર ગહન પ્રકાશ પાડ્યો હતો. તેમણે ઉપસ્થિત શ્રાવકોને સંબોધતા જણાવ્યું હતું કે, જીવનની દરેક ક્ષણે પરમાત્માને તમારી સાથે રાખો. જો પ્રભુ તમારા જીવનમાં હશે, તો શાંતિ, સકારાત્મક વલણ, આદર, સ્વીકાર અને સંતોષ આપોઆપ આવી જશે. મધુમતી જૈન સંઘમાં યોજાયેલા આ પ્રવચનમાં આચાર્યશ્રીએ ભારપૂર્વક જણાવ્યું કે, આજે માણસ પાસે સત્તા, સંપત્તિ અને સ્ટેટસ બધું જ હોવા…