ફોર્મ ડિજિટલાઇઝેશનમાં વલસાડ જિલ્લો 80.89 ટકા સાથે રાજ્યમાં 27મા ક્રમે

ખાસ મતદાર યાદી સુધારણા કાર્યક્રમ હેઠળ ફોર્મ ડિજિટલાઇઝેશનમાં વલસાડ જિલ્લો 80.89 ટકા સાથે રાજ્યમાં 27મા ક્રમે નોંધાયો છે. વર્ષ 2002ની મતદારયાદી મુજબ અત્યાર સુધીમાં જિલ્લામાં 42.64 ટકા મેપિંગ પૂર્ણ થયું છે. તેમ છતાં મતદારયાદી સુધારણા કામગીરીમાં વલસાડ જિલ્લો હજુ પાછળ હોવાનું ચિત્ર સામે આવ્યું છે. બીએલઓ અને સંબંધિત અધિકારીઓ લક્ષ્યાંક પૂર્ણ કરવા સતત કામગીરી કરી રહ્યા છે.

વલસાડ જિલ્લાની પાંચ વિધાનસભામાં કુલ 41,179 મૃતક મતદારો નોંધાયા છે. મૃત્યુ, સ્થળાંતર સહિતના વિવિધ કારણોસર જિલ્લામાંથી કુલ 1,32,414 મતદારોના નામ મતદારયાદીમાંથી કમી થવાના છે. વલસાડ જિલ્લામાં કુલ 13,85,507 મતદારોમાંથી 11,20,752 મતદારોની ઓનલાઇન એન્ટ્રી પૂર્ણ થઈ ચૂકી છે. જેમાં ધરમપુર તાલુકો સૌથી આગળ છે, જ્યારે ઉદ્યોગોના કારણે અન્ય રાજ્યોના મતદારોની સંખ્યા વધુ હોવાને કારણે પારડી તાલુકો સૌથી પાછળ છે.

રાજ્ય સ્તરે ડાંગ જિલ્લો 92.63 ટકા સાથે પ્રથમ અને ગીર સોમનાથ જિલ્લો 88.14 ટકા સાથે બીજા ક્રમે છે. વલસાડ જિલ્લામાં મતદારયાદી સુધારણા ઝુંબેશ હજુ પણ ચાલુ છે અને બીએલઓ ત્રણ-ત્રણ વખત મતદારોના ઘરે જઈને નામોની ચકાસણી કરી રહ્યા છે.

વિધાનસભાવાર વિગતો મુજબ ધરમપુરમાં કુલ 13,140, વલસાડમાં 39,514, પારડીમાં 23,406, કપરાડામાં 15,161 અને ઉમરગામમાં 40,920 મતદારોના નામ કમી થવાની પ્રક્રિયામાં છે. સમગ્ર જિલ્લામાં કુલ 1,32,141 મતદારોના નામ ડ્રાફ્ટ યાદીમાંથી રદ થવાના છે.

ડુપ્લીકેટ મતદારોના નામ પણ રદ થશે. વલસાડ જિલ્લામાં કુલ 1,32,141 એટલે કે 9.54 ટકા મતદારોના નામ ડ્રાફ્ટ મતદારયાદીમાંથી રદ થશે. તેમાં મૃત્યુ પામેલા 41,179, ન મળ્યા હોય તેવા 18,655, કાયમી સ્થળાંતર કરેલા 63,367, ડુપ્લીકેટ 7,232 અને અન્ય કારણોસર 1,708 મતદારોનો સમાવેશ થાય છે.

મહેસાણા પ્રાંત અધિકારી ઉર્વિશ વાળદે જણાવ્યું કે ફોર્મ ડિજિટલાઇઝેશનની મુદત અગાઉ 4 ડિસેમ્બર સુધી હતી, જેને હવે 11 ડિસેમ્બર સુધી લંબાવવામાં આવી છે. આ સમયગાળા દરમિયાન રહી ગયેલા મતદારો પોતાના ફોર્મ આપી શકશે. મુદત વધારાથી બીએલઓને પણ ફોર્મ ડિજિટલાઇઝેશન માટે વધુ સમય મળશે. પ્રથમ ડ્રાફ્ટ મતદારયાદી 16 ડિસેમ્બરે પ્રસિદ્ધ કરવામાં આવશે.

નામ રદ થવા છતાં મતદારોને તક અપાશે. બીએલઓ નિયમ મુજબ ત્રણ વખત મતદારના ઘરે જશે. તેમ છતાં કોઈ કારણસર નામ રહી જાય તો મતદારો યોગ્ય પુરાવા રજૂ કરીને પોતાનું નામ મતદારયાદીમાં દાખલ કરાવી શકશે. ફોર્મ ભરવામાં મુશ્કેલી હોય તો મતદારો તેમના વિસ્તારના બીએલઓનો સંપર્ક કરી શકશે.

વલસાડ મતદાર યાદી, વલસાડ ફોર્મ ડિજિટલાઇઝેશન, વલસાડ જિલ્લા ચૂંટણી, મતદાર યાદી સુધારણા, BLO કામગીરી, વલસાડ વિધાનસભા, Gujarat Voter List, Election Update Valsad, વલસાડ સમાચાર, મતદાર યાદી, BLO, ચૂંટણી સુધારણા, Valsad District, Voter List Update, Gujarat Election, Local News, Valsad News Today, Latest Local Updates — 02 December 2025

————

વલસાડ જિલ્લામાં લઘુત્તમ તાપમાનમાં 3 ડિગ્રીનો ઘટાડો, સાત દિવસ વાતાવરણ સૂકું રહેશે

છેલ્લા છ દિવસથી સતત વધી રહેલા તાપમાન પર સોમવારે અચાનક બ્રેક લાગી હતી. 24 કલાકમાં લઘુત્તમ તાપમાનમાં 2.2 ડિગ્રીનો ઘટાડો નોંધાતા ઠંડીનું મોજું ફરી વળ્યું હતું. ગત મંગળવારથી વાપી સહિત સમગ્ર વલસાડ જિલ્લામાં તાપમાન વધતું હતું, જેના કારણે ઠંડી ગાયબ થઈ ગઈ હતી અને લોકોને ઉનાળાની ગરમીનો અનુભવ થતો હતો.

સોમવારની સવારે જૂનાગઢમાં લઘુત્તમ તાપમાન 2.2 ડિગ્રી ઘટીને 13 ડિગ્રી નોંધાયું હતું. સાથે જ સવારની હવામાં ભેજ ઘટીને 56 ટકા રહ્યો હતો. વલસાડ શહેરમાં સોમવારે લઘુત્તમ તાપમાન 20 ડિગ્રી સેલ્સિયસ નોંધાયું હતું, જે રવિવાર જેટલું જ રહ્યું હતું. જ્યારે જિલ્લાના ધરમપુર અને વાપી તાલુકામાં તાપમાનમાં 1 ડિગ્રીનો ઘટાડો નોંધાયો હતો.

હવામાન વિભાગના જણાવ્યા અનુસાર, આજે દિવસ દરમિયાન મહત્તમ તાપમાન 29 ડિગ્રી સુધી પહોંચવાની શક્યતા છે. હવામાન વિભાગના વૈજ્ઞાનિકોએ જણાવ્યું છે કે આગામી સાત દિવસ સુધી વાતાવરણ સૂકું રહેશે અને ઉત્તર-પૂર્વ દિશાના પવનો ફૂંકાશે. આગામી 24 કલાક સુધી તાપમાન યથાવત રહેવાની શક્યતા છે, ત્યારબાદ 2 થી 3 ડિગ્રીનો વધુ ઘટાડો થઈ શકે છે.

હાલ જિલ્લામાં ઠંડીનો ચમકારો અનુભવાઈ રહ્યો છે અને લોકો ગરમ કપડાંનો સહારો લઈ બહાર નીકળી રહ્યા છે. હવામાન વિભાગે આગામી દિવસોમાં ઠંડી વધુ વધવાની શક્યતા દર્શાવી છે.

વલસાડ હવામાન, વલસાડ તાપમાન, લઘુત્તમ તાપમાન ઘટાડો, વલસાડ ઠંડી, હવામાન વિભાગ આગાહી, Valsad Weather, Cold Wave Gujarat, વલસાડ હવામાન, તાપમાન ઘટાડો, ઠંડીનું મોજું, Weather Update, Valsad News, Gujarat Weather, Dharampur, Vapi

—————-

વલસાડની દુર્વા પટેલની નેશનલ ગેમ્સ માટે ગુજરાત ટીમમાં પસંદગી

નેશનલ ગેમ્સ ફેડરેશન ઓફ ઇન્ડિયા દ્વારા યોજાનાર નેશનલ ગેમ્સ માટે વલસાડના સેગવીની ધોરણ 7માં અભ્યાસ કરતી દુર્વા મુકુન્દભાઈ પટેલની ગુજરાતની ટીમમાં પસંદગી કરવામાં આવી છે. દુર્વાની પસંદગીથી તેના માતા-પિતા, સેગવી તેમજ વલસાડ જિલ્લાનું ગૌરવ વધ્યું છે.

મધ્યપ્રદેશના ઇન્દોર શહેરમાં યોજાનાર 69મી નેશનલ સ્કૂલ ગેમ્સ સ્પર્ધામાં દુર્વા અન્ડર-14 ગર્લ્સ ગોળા ફેંક ટૂર્નામેન્ટમાં ગુજરાતની ટીમનું પ્રતિનિધિત્વ કરશે. વલસાડ શહેરની શેઠ આર.જે.જે. હાઈસ્કૂલમાં અંગ્રેજી માધ્યમમાં અભ્યાસ કરતી દુર્વાના પિતા મુકુન્દભાઈ સામાજિક કાર્યકર છે અને રાજકીય ક્ષેત્રે તાલુકા તથા ગામ સ્તરે આગેવાન તરીકે ઓળખાય છે.

નેશનલ ગેમ્સમાં ભાગ લેવા માટે દુર્વા પટેલ ઇન્દોર ખાતે રવાના થઈ ચૂકી છે.

વલસાડ દુર્વા પટેલ, નેશનલ ગેમ્સ ગુજરાત ટીમ, અન્ડર 14 ગોળા ફેંક, વલસાડ ખેલાડી, National School Games, Gujarat Team Selection, વલસાડ સમાચાર, દુર્વા પટેલ, નેશનલ ગેમ્સ, Gujarat Team, School Games, Sports News, Under 14 Athletics, Local News

——————

દારૂ-ડ્રગ્સ મુદ્દે વલસાડ કોંગ્રેસનો વિરોધ, શામળાજી હાઇવે પર તાત્કાલિક કામની માંગ

વલસાડ જિલ્લા કોંગ્રેસ અને યુથ કોંગ્રેસ દ્વારા જિલ્લા સહિત રાજ્યમાં દારૂ અને ડ્રગ્સની તસ્કરી ડામવામાં નિષ્ફળતા મુદ્દે ભાજપ સરકારનો વિરોધ કરવામાં આવ્યો હતો. આ સાથે શામળાજી હાઇવેની બિસ્માર હાલતને કારણે લોકોને પડતી હાલાકી દૂર કરવા તાત્કાલિક કામગીરી શરૂ કરવા માટે ક્લેક્ટરને આવેદન પત્ર આપવામાં આવ્યું હતું.

કોંગ્રેસના હોદ્દેદારો અને કાર્યકરો વલસાડ સ્ટેડિયમ રોડ સ્થિત કોંગ્રેસ કાર્યાલયથી રેલીના સ્વરૂપે ક્લેક્ટર કચેરીએ પહોંચ્યા હતા અને ક્લેક્ટરને આવેદન પત્ર સુપરત કર્યું હતું. આ દરમિયાન ભાજપ સરકાર સામે નારેબાજી પણ કરવામાં આવી હતી.

કોંગ્રેસ પ્રમુખ કિશન પટેલે જણાવ્યું હતું કે વલસાડ જિલ્લામાં દારૂ અને ડ્રગ્સના કારણે અનેક લોકો પાયમાલ થયા છે અને આ મુદ્દે સરકારની ઉદાસીનતા સામે કોંગ્રેસે વિરોધ નોંધાવ્યો છે.

આ સાથે જિલ્લા યુથ કોંગ્રેસ પ્રમુખ કુંજાલી પટેલ અને યુવા કાર્યકરોએ પણ ક્લેક્ટરને આવેદન આપી જણાવ્યું હતું કે શામળાજી હાઇવેની ખરાબ હાલતને કારણે હજારો વાહનચાલકો પરેશાન છે. બ્રિજો સહિત હાઇવેના નવા નિર્માણ માટે સરકારે 400 કરોડ રૂપિયાની ફાળવણી કરી છે, ત્યારે તાત્કાલિક નવું ડાયવર્ઝન આપી કામ શરૂ કરવાની માંગ કરવામાં આવી હતી.

વલસાડ કોંગ્રેસ વિરોધ, દારૂ ડ્રગ્સ મુદ્દો, શામળાજી હાઇવે, વલસાડ યુથ કોંગ્રેસ, BJP વિરોધ, Valsad Congress Protest, વલસાડ સમાચાર, કોંગ્રેસ વિરોધ, દારૂ ડ્રગ્સ, Shamlaji Highway, Youth Congress, Gujarat Politics, Road Issue, Local News

————-

વલસાડમાં રખડતા શ્વાનોના હુમલાથી બાળકી ઘાયલ, સ્થાનિકોમાં આક્રોશ

વલસાડ શહેર નજીક આવેલા ભાગડાવાડાની કરીમનગર સોસાયટીમાં રખડતા શ્વાનોનો ત્રાસ વધ્યો છે. તાજેતરમાં એક સાત વર્ષીય બાળકી પર શ્વાનો દ્વારા હુમલો કરવામાં આવતા તે ઘાયલ થઈ હતી. આ ઘટનાને પગલે સોસાયટીના રહેવાસીઓમાં ભારે રોષ ફેલાયો છે.

કરીમનગર સોસાયટી વિસ્તારમાં છેલ્લા છ મહિનાથી રખડતા શ્વાનોની સમસ્યા સતત વધી રહી છે. આ અંગે ગ્રામ પંચાયત સમક્ષ અનેક વખત રજૂઆતો કરવામાં આવી હોવા છતાં કોઈ અસરકારક પગલાં લેવામાં ન આવતા રહીશો પરેશાન બન્યા છે. ગઈકાલે અચાનક થયેલા શ્વાનના હુમલામાં સાત વર્ષીય બાળકી ઈજાગ્રસ્ત થઈ હતી.

આ ઘટનાના અનુસંધાને આજે કરીમનગર સોસાયટીના તમામ રહેવાસીઓ જિલ્લા કલેક્ટર કચેરીએ પહોંચ્યા હતા. તેમણે જિલ્લા કલેક્ટરને આવેદનપત્ર પાઠવી રજૂઆત કરી હતી કે રખડતા શ્વાનોના વધતા હુમલાઓને કારણે લોકોનો જીવ જોખમમાં મુકાઈ રહ્યો છે. તેથી તાત્કાલિક અને અસરકારક કાર્યવાહી કરીને વિસ્તારને સુરક્ષિત બનાવવામાં આવે તેવી માંગ કરવામાં આવી હતી.

વલસાડ રખડતા શ્વાનો, વલસાડ શ્વાન હુમલો, ભાગડાવાડા કરીમનગર સોસાયટી, બાળક પર શ્વાન હુમલો, Valsad Dog Attack, Stray Dogs Issue, વલસાડ સમાચાર, રખડતા શ્વાનો, Dog Attack, Karimnagar Society, Public Safety, Valsad City, Local Issue, Gujarat News

———

વશીયર–નનકવાડા પુલ મુદ્દે ભાજપ નેતાને લાભ થતો હોવાનો આક્ષેપ, કોંગ્રેસનો વિરોધ

વલસાડ તાલુકાના વશીયર અને નનકવાડાને જોડતા વાંકી નદી ઉપર બની રહેલા પુલને લઈને વિવાદ યથાવત છે. આ વચ્ચે જિલ્લા યુથ કોંગ્રેસના કાર્યકરોએ પુલનું કામ શરૂ કરવા સામે વિરોધ નોંધાવી જિલ્લા કલેક્ટરને આવેદનપત્ર આપ્યું છે. યુથ કોંગ્રેસ દ્વારા કોઈનું નામ ઉલ્લેખ્યા વિના ખાનગી ફાર્મહાઉસ માટે ભાજપના નેતાને લાભ પહોંચાડવાનો અપ્રત્યક્ષ આક્ષેપ કરવામાં આવ્યો છે અને સમગ્ર મામલે તપાસ કરવાની માંગ ઉઠાવવામાં આવી છે.

વલસાડ તાલુકામાં આ બ્રિજ અને પ્રોટેક્શન વોલના કામ માટે સરકાર દ્વારા કામગીરી હાથ ધરવામાં આવી હતી, પરંતુ તે સમયે વિવાદ ઊભો થયો હતો. આ વિવાદને લાંબો સમય વીતી ગયો હોવા છતાં ફરીથી પુલના કામને લઈને પ્રશ્નો ઊઠ્યા છે.

જિલ્લા યુથ કોંગ્રેસ સમિતિના પ્રમુખ કુંજાલી પટેલ, કાર્યકર વશીયરના મીત દેસાઈ, પાલિકાના પૂર્વ સભ્ય સંજય ચૌહાણ સહિતના કાર્યકરોના પ્રતિનિધિ મંડળે જિલ્લા સેવા સદન ખાતે પહોંચીને કલેક્ટર ભવ્ય વર્માને આવેદનપત્ર સુપરત કર્યું હતું. આવેદનમાં પુલનું કામ તાત્કાલિક બંધ રાખવા, જાહેર હિતને ધ્યાનમાં રાખીને કામગીરી કરવા તેમજ ખાનગી લાભ માટે કોઈ કામગીરી થતી હોય તો તે સ્વીકાર્ય ન હોવાનું રજૂ કરવામાં આવ્યું હતું.

યુથ કોંગ્રેસના કાર્યકરોએ આ સમગ્ર મામલે તટસ્થ તપાસ કરાવવાની પણ માંગ કરી હતી.

વશીયર નનકવાડા પુલ વિવાદ, વાંકી નદી પુલ, વલસાડ યુથ કોંગ્રેસ, પુલ કામ વિરોધ, ભાજપ નેતા આક્ષેપ, Valsad Bridge Issue, વલસાડ સમાચાર, વશીયર નનકવાડા, વાંકી નદી, Bridge Controversy, Youth Congress, Gujarat Politics, Public Issue, Local News

———-

વલસાડ જિલ્લામાં તાલુકા કક્ષાના યુવા ઉત્સવનું આયોજન

વલસાડ જિલ્લામાં તાલુકા કક્ષાના યુવા ઉત્સવ કાર્યક્રમોનું આયોજન કરવામાં આવશે. આ અંતર્ગત ધરમપુર તાલુકામાં આદર્શ નિવાસી શાળા, બામટી ખાતે તાલુકા કક્ષાનો યુવા ઉત્સવ યોજાઈ ચૂક્યો છે.

આગામી કાર્યક્રમો મુજબ પારડી તાલુકામાં 3 ડિસેમ્બરે સવારે 9 વાગ્યે ડીસીઓ હાઈસ્કૂલ, પારડી ખાતે, વલસાડ તાલુકામાં 4 ડિસેમ્બરે સવારે 9 વાગ્યે સર્વોદય હાઈસ્કૂલ, સેગવી ખાતે તેમજ ઉમરગામ તાલુકામાં 6 ડિસેમ્બરે સવારે 9 વાગ્યે એમ.એમ. હાઈસ્કૂલ ખાતે તાલુકા કક્ષાના યુવા ઉત્સવનું આયોજન કરવામાં આવશે.

વાપી અને કપરાડા તાલુકાના યુવા ઉત્સવ સ્પર્ધાઓની તારીખો નક્કી થયા બાદ તેની જાણ કરવામાં આવશે તેમ વલસાડ જિલ્લા યુવા વિકાસ અધિકારીએ અખબારી યાદીમાં જણાવ્યું છે.

વલસાડ જિલ્લાના યુવા કલાકારોને પ્રોત્સાહન આપવા તેમજ તેમની પ્રતિભા પ્રદર્શિત કરવાની તક આપવા માટે રાજ્ય સરકાર દ્વારા દર વર્ષે યુવા ઉત્સવનું આયોજન કરવામાં આવે છે. યુવા ઉત્સવમાં વિવિધ સ્પર્ધાઓ યોજાય છે, જેમાં વિજેતા થયેલા ઉમેદવારોને જિલ્લા કક્ષા તેમજ ત્યારબાદ રાજ્ય કક્ષાએ ભાગ લેવાની તક મળે છે.

વલસાડ યુવા ઉત્સવ, તાલુકા કક્ષાનો યુવા ઉત્સવ, વલસાડ જિલ્લા યુવા વિકાસ, Youth Festival Gujarat, Valsad Youth Festival, Taluka Level Youth Festival, વલસાડ સમાચાર, યુવા ઉત્સવ, Youth Festival, Dharampur, Pardi, Umargam, Valsad District, Local News

————–

વલસાડમાં બે જૈન દીકરીઓએ સુખ વૈભવનો ત્યાગ કરી સંયમ માર્ગ અપનાવ્યો

જૈન આચાર્ય ગુરુ પ.પૂ. ધર્મધુરંધર શ્રીરત્નાકરસૂરિજી મ.સા.ની પૂણ્ય ભૂમિ પર તેમના દિવ્ય સાંનિધ્યમાં વલસાડ શહેર ખાતે દીક્ષા અંગિકારનો ભવ્ય મહોત્સવ યોજાયો હતો. શ્રી મહાવીરસ્વામી શ્વેતામ્બર મૂર્તિપૂજક જૈન સંઘના તત્વાધાનમાં મોટાબજારમાં રહેતા કોઠારી પરિવારની બે દીકરીઓએ સાંસારિક સુખ વૈભવનો ત્યાગ કરી સંયમ માર્ગ સ્વીકાર્યો હતો.

મોટાબજાર સ્થિત શ્રીમંત વેપારી કોઠારી પરિવારના મિનલબેન રશેષભાઈ કોઠારીના સુપુત્રી ચિ. ચાર્મી તથા પૌલોમીબેન સંજયભાઈ કોઠારીના સુપુત્રી ચિ. જાનવીએ ગુરુ શ્રીરત્નાકરસૂરિજી મ.સા.ના સાંનિધ્યમાં દીક્ષા ગ્રહણ કરી હતી. આ પ્રસંગે શાહ ખીમચંદ હાઈસ્કૂલના ગ્રાઉન્ડ ખાતે વિશાળ શામિયાણાંમાં ભવ્ય મહોત્સવનું આયોજન કરવામાં આવ્યું હતું.

દીક્ષા મહોત્સવ નિમિત્તે મોટાબજારથી વર્ષીદાન વરઘોડા સાથે ભવ્ય શોભાયાત્રા યોજાઈ હતી. શણગારેલી બગીમાં બિરાજમાન બંન્ને દીકરીઓને અલંકારિત આભૂષણો, ઉત્તમ વસ્ત્રો અને પરંપરાગત વેશભૂષા સાથે રજૂ કરવામાં આવી હતી. જૈન સંઘના સભ્યો તથા પરિવારજનો દ્વારા હર્ષોલ્લાસપૂર્વક દિવ્ય અભિવાદન કરવામાં આવ્યું હતું.

મુમુક્ષ જાનવીબેન અને મુમુક્ષ ચાર્મીબેને ભગવાન મહાવીરસ્વામીના દર્શાવેલા માર્ગ પર આગળ વધીને સંસારના સુખ વૈભવનો ત્યાગ કરી જૈન ધર્મના સંયમ માર્ગને અપનાવ્યો હતો. આ અવસરે સમગ્ર જૈન સમાજ મોટી સંખ્યામાં ઉપસ્થિત રહ્યો હતો.

દીક્ષા અંગિકાર બાદ મુમુક્ષી ચિ. ચાબિન નૂતન સાધ્વીજી શ્રી દેવર્ષિરત્નાશ્રીજી મ.સા. તરીકે અને મુમુક્ષી જાનવીબેન નૂતન સાધ્વીજી શ્રી જિનર્ષિરત્નાશ્રીજી મ.સા. તરીકે ઓળખાશે. દીકરીઓના માતા-પિતાએ આશીર્વાદ આપતાં સંયમમય જીવનમાં અપ્રમાદી રહી પ્રગતિના માર્ગે આગળ વધે તેવી મંગલકામના વ્યક્ત કરી હતી. આ પ્રસંગે દીક્ષા લેનાર દીકરીઓના માતા-પિતા, પરિવારજનો તેમજ જૈન સંઘના શ્રાવકો અને શ્રાવિકાઓ મોટી સંખ્યામાં હાજર રહ્યા હતા.

વલસાડ જૈન દીક્ષા, રત્નાકરસૂરિજી મ.સા., જૈન દીક્ષા મહોત્સવ, વલસાડ જૈન સમાજ, Jain Diksha Valsad, Jain Religious Event, વલસાડ સમાચાર, જૈન સમાજ, દીક્ષા મહોત્સવ, Jain Diksha, Religious News, Valsad City, Jain Community, Local News

——————-

વલસાડમાં યોજાયેલા ક્રિકેટ ટૂર્નામેન્ટમાં વાપી વોરિયર્સ ટીમ ફાઇનલ ચેમ્પિયન

વલસાડ પ્રદેશમાં બેંક ઓફ બરોડાના અનુભૂતિ કાર્યક્રમના ભાગરૂપે ભવ્ય રમતગમત દિવસનું આયોજન કરવામાં આવ્યું હતું. આ કાર્યક્રમ અંતર્ગત યોજાયેલા ક્રિકેટ ટૂર્નામેન્ટની ફાઇનલ મેચમાં વાપી વોરિયર્સ ટીમે અસરકારક પ્રદર્શન કરી વિજય મેળવી ચેમ્પિયનનો ખિતાબ જીત્યો હતો.

આ રમતગમત દિવસે વિવિધ રમતો અને સાંસ્કૃતિક પ્રવૃત્તિઓનું આયોજન કરવામાં આવ્યું હતું. કાર્યક્રમમાં મહિલા ક્રિકેટ, પુરુષોનું ક્રિકેટ તેમજ બાળકો માટે વિવિધ મનોરંજક રમતોનો સમાવેશ કરવામાં આવ્યો હતો. દિવસભરના કાર્યક્રમો બાદ ગૌરવપૂર્ણ સમારોહ સાથે કાર્યક્રમનું સમાપન કરવામાં આવ્યું હતું.

બેંક ઓફ બરોડા દ્વારા દર વર્ષે બેંકિંગ ક્ષેત્રના વ્યસ્ત કાર્ય વાતાવરણ વચ્ચે કર્મચારીઓમાં કાર્ય-જીવન સંતુલન જળવાઈ રહે તે હેતુથી આવા અનુભૂતિ કાર્યક્રમોનું આયોજન કરવામાં આવે છે. આ કાર્યક્રમો દ્વારા કર્મચારીઓ તણાવમુક્ત બની પોતાના પરિવાર સાથે રમતગમત, મનોરંજન અને સાંસ્કૃતિક પ્રવૃત્તિઓમાં ભાગ લઈ શકે તેવો ઉદ્દેશ રાખવામાં આવે છે.

કાર્યક્રમની શરૂઆત સવારે ઝુમ્બા સત્રથી કરવામાં આવી હતી અને સાંજે રોમાંચક ક્રિકેટ ફાઇનલ મેચ સાથે તેનો અંત આવ્યો હતો. આ સમગ્ર કાર્યક્રમ પ્રાદેશિક મેનેજર લલિત, ડીઆરએમ અરૂણ પ્રતાપ તથા એચઆરએમ સ્નેહલતાની હાજરીથી શોભાયમાન થયો હતો.

વલસાડ ક્રિકેટ ટૂર્નામેન્ટ, વાપી વોરિયર્સ ટીમ, બેંક ઓફ બરોડા અનુભૂતિ કાર્યક્રમ, વલસાડ રમતગમત દિવસ, Bank of Baroda Sports Event, Vapi Warriors Champion, વલસાડ સમાચાર, ક્રિકેટ ટૂર્નામેન્ટ, Bank of Baroda, Vapi Warriors, Sports Event, Employee Engagement, Cultural Activities, Local News

———–

દિલ્હીમાં વલસાડ સાંસદ ધવલ પટેલની ગૃહમંત્રી અમિત શાહ સાથે મુલાકાત

લોકસભા સત્રના પ્રારંભે વલસાડ–ડાંગ લોકસભા સાંસદ ધવલ પટેલે દિલ્હી ખાતે સંસદભવનમાં દેશના ગૃહમંત્રી અમિતભાઈ શાહ સાથે રૂબરૂ મુલાકાત કરી હતી. આ બેઠક દરમિયાન વલસાડ અને ડાંગ જિલ્લાના વિવિધ વિસ્તારોના વિકાસ મુદ્દાઓ અંગે ચર્ચા કરવામાં આવી હતી.

સાંસદ ધવલ પટેલે વલસાડ–ડાંગ લોકસભા વિસ્તારમાં ચાલી રહેલા તેમજ પ્રસ્તાવિત વિકાસ કાર્યો અંગે રજૂઆત કરી હતી અને વિકાસના આયોજન અંગે મહત્વની સમીક્ષા કરવામાં આવી હતી. સંસદસત્રના પ્રારંભે યોજાયેલી આ મુલાકાતમાં વિસ્તારના વિકાસને વેગ આપવા સંબંધિત મુદ્દાઓ પર ચર્ચા થઈ હતી.

આગામી સમયમાં વલસાડ લોકસભા વિસ્તારમાં અનેક પ્રજાલક્ષી વિકાસ કાર્યોના આયોજન અંગે પણ ચર્ચા કરવામાં આવી હોવાનું જણાવાયું છે. વલસાડ અને ડાંગ જિલ્લાના વિકાસ માટે આ મુલાકાત મહત્વપૂર્ણ ગણાઈ રહી છે.

વલસાડ સાંસદ ધવલ પટેલ, અમિત શાહ મુલાકાત, વલસાડ ડાંગ વિકાસ, Lok Sabha MP Valsad, Home Minister Amit Shah Meeting, Valsad Dang Development, વલસાડ સમાચાર, ધવલ પટેલ, અમિત શાહ, Lok Sabha, Valsad Dang, Development Meeting, Gujarat Politics, Local News

———-

સાયબર ફ્રોડ સામે 1930 હેલ્પલાઈન અસરકારક ઉપાય તરીકે કાર્યરત

આજના સમયમાં ડિજિટલ ટેક્નોલોજીનો વ્યાપ વધતા બેંકિંગ, ખરીદી, બિલ ચુકવણી, લોન સહિતના નાણાકીય વ્યવહારો મોટા ભાગે ઓનલાઈન થઈ ગયા છે. સાથે સાથે UPI, ક્રેડિટ-ડેબિટ કાર્ડ, OTP, લોન એપ્લિકેશન સહિતના સાયબર ફ્રોડના બનાવોમાં પણ વધારો નોંધાઈ રહ્યો છે. દરરોજ અનેક નાગરિકો ઓનલાઈન ફ્રોડનો ભોગ બની રહ્યા છે.

સાયબર ગુનાના પીડિતોને તાત્કાલિક સહાય અને ન્યાય મળે તે હેતુથી ભારત સરકાર દ્વારા 1930 હેલ્પલાઈન શરૂ કરવામાં આવી છે. આ એક રાષ્ટ્રીય સ્તરની સાયબર ફ્રોડ રિપોર્ટિંગ સેવા છે, જે સાયબર ગુનાના બનાવોમાં ઝડપી કાર્યવાહી માટે ઉપયોગી સાબિત થઈ રહી છે.

ફ્રોડની ઘટના બનતાં જ પીડિત વ્યક્તિએ તરત 1930 નંબર પર કૉલ કરી પોતાનું નામ, ફોન નંબર, ફ્રોડ થયેલી રકમ, તારીખ, બેંકનું નામ જેવી વિગતો આપવાની રહે છે. કોલ સેન્ટર દ્વારા ફરિયાદ નોંધાઈ તે માહિતી નેશનલ સાયબર ક્રાઈમ પોર્ટલને મોકલવામાં આવે છે. ત્યારબાદ સંબંધિત બેંક અને સ્થાનિક પોલીસ તંત્રને જાણ કરવામાં આવે છે, જેથી ફ્રોડ ટ્રાન્ઝેક્શન તાત્કાલિક બ્લોક કરી શકાય.

બેંક અને NPCI (National Payments Corporation of India) સિસ્ટમ મારફતે ગુનેગારોના ખાતામાં જમા થયેલી રકમ ફ્રીઝ કરવાની કાર્યવાહી કરવામાં આવે છે. પીડિત વ્યક્તિ [www.cybercrime.gov.in](http://www.cybercrime.gov.in) વેબસાઈટ પર જઈ ફરિયાદ નંબર દ્વારા કેસની સ્થિતિ પણ તપાસી શકે છે.

1930 હેલ્પલાઈન UPI, Paytm, Google Pay, PhonePe ફ્રોડ, ક્રેડિટ-ડેબિટ કાર્ડ ફ્રોડ, બેંક લોગિન અને OTP ફિશિંગ, ઈ-કોમર્સ ફ્રોડ, સોશિયલ મીડિયા હેકિંગ અથવા ફેક પ્રોફાઈલ, લોન એપ્લિકેશન ફ્રોડ, રોકાણ અને ગિફ્ટ સ્કીમ સ્કેમ તેમજ કોલ, ઈમેલ કે મેસેજ દ્વારા થતા ફ્રોડ જેવા કેસોમાં મદદરૂપ બને છે.

આ સેવા સમગ્ર દેશમાં 24 કલાક અને સપ્તાહના સાતે દિવસ કાર્યરત છે. દરેક રાજ્યના સાયબર ક્રાઈમ સેલ સાથે સંકલિત આ હેલ્પલાઈન સામાન્ય નાગરિકો માટે વિનામૂલ્યે ઉપલબ્ધ છે અને અનેક રાજ્યોમાં સ્થાનિક ભાષામાં પણ સહાય આપવામાં આવે છે.

સાયબર ફ્રોડ, 1930 હેલ્પલાઈન, Cyber Crime India, UPI Fraud, OTP Scam, Online Banking Fraud, Digital Safety, Cyber Awareness

——————

વાપી–પારડી–ધરમપુર વિસ્તારમાં માર્ગ અને સ્વચ્છતા મુદ્દે નાગરિકોની ફરિયાદો

વાપી જીઆઈડીસીના સેકન્ડ ફેઝ વિસ્તારમાં માર્ગ પર બેસુમાર ગંદકી જોવા મળી રહી હોવાનું સામે આવ્યું છે. રસ્તા પર પશુઓનો જમાવડો જોવા મળ્યો હતો અને પશુઓ પ્લાસ્ટિકની કોથળીઓ આરોગતા હોવાનું જણાયું છે. આ સ્થિતિને કારણે પશુઓ તેમજ માનવ આરોગ્ય સામે જોખમ ઊભું થયું હોવાનું સ્થાનિક નાગરિક રાજ પટેલે જણાવ્યું છે. તેમણે જીઆઈડીસી વિભાગ દ્વારા ગંદકી દૂર કરી જાહેર આરોગ્યની સલામતી જાળવવાની માંગ કરી છે.

વાપીથી બગવાડા અને ઉદવાડા તરફ જતા હાઈવે પર બગવાડા ટોલનાકા પાસે મોટા વાહનો દ્વારા આડેધડ પાર્કિંગ કરવામાં આવતું હોવાનું વાહનચાલકો દ્વારા ફરિયાદ કરવામાં આવી છે. આ અંગે આરટીઓ અને પોલીસ વિભાગ દ્વારા અસરકારક કાર્યવાહી ન થવાથી અકસ્માતના જોખમો વધ્યા હોવાનું જણાવાયું છે. વાહનચાલક જય પટેલે હાઈવે પર પાર્ક કરાયેલા વાહનો હટાવી દંડાત્મક કાર્યવાહી કરવાની માંગ ઉઠાવી છે.

વાપી–પારડી ચાર રસ્તા બ્રિજ નીચે અનેક ખાડાઓ પડ્યા હોવાનું પારડી વિસ્તારના નાગરિકોનું કહેવું છે. વરસાદ બંધ થયાને ઘણા દિવસો વીતી ગયા હોવા છતાં પાલિકા કે સંબંધિત વિભાગ દ્વારા મરામત કામગીરી હાથ ધરાઈ નથી. રાત્રિ સમયે વાહનચાલકો માટે અકસ્માતનો ભય હોવાની ફરિયાદ કપીલ હળપતિ દ્વારા કરવામાં આવી છે.

ધરમપુર તાલુકાના પંગારબારી–શિશુમાળ–આંબોસી 9 કિમી માર્ગના બાંધકામમાં ગુણવત્તા અંગે ગંભીર ગોબાચારી થઈ હોવાનો આક્ષેપ ગ્રામજનોએ કર્યો છે. ગ્રામજનોએ આ કામની તપાસ કરી જવાબદાર કોન્ટ્રાક્ટરો સામે કાર્યવાહી કરવાની અને જરૂર પડે તો બ્લેકલિસ્ટ કરવાની માંગ કરી છે. ધરમપુર તાલુકા પંચાયતના સભ્ય કલ્પેશ પટેલે જણાવ્યું છે કે જો આ મામલે કાર્યવાહી નહીં થાય તો અન્ય માર્ગકાર્યોની પણ તપાસની માંગ ઉઠાવવામાં આવશે.

વાપી સમાચાર, પારડી સમાચાર, ધરમપુર સમાચાર, Civic Issues, Road Condition, GIDC Vapi, Public Health, Gujarat News

════════════════════════════════════

📌 નોંધ / Note:
આ લેખ LokGujarati.com પર પ્રકાશિત કરવામાં આવ્યો છે. લેખમાં રજૂ થયેલી માહિતી જાહેર સ્ત્રોતો, સ્થાનિક જાણકારી, Field Observations અને લેખકના અવલોકન પર આધારિત છે. આ માહિતી ખાસ કરીને Vapi, Valsad, Umbergaon, Bilimora, Navsari, Dang, Dharampur–Kaprada, Daman–Silvassa વિસ્તારના વાચકો માટે ઉપયોગી થાય તે હેતુથી રજૂ કરવામાં આવી છે.

LokGujarati.com નો મુખ્ય હેતુ Gujarati Readers સુધી સાચી, ઉપયોગી, Factual અને Verified Information પહોંચાડવાનો છે, જેથી સમાજ, સંસ્કૃતિ, Lifestyle અને Local Awareness વધુ મજબૂત બને.

જો તમને આ લેખ ઉપયોગી લાગ્યો હોય તો તેને Share કરો અને તમારા વિચારો Comment Section માં જણાવો.
Local information, Culture, Society અને Community-focused Content માટે LokGujarati.com સાથે જોડાયેલા રહો.