પારડીની કોલેજોમાં ‘ગીગ ઈકોનોમી’ પર નેશનલ કોન્ફરન્સ, ભવિષ્યના પડકારો અને તકો પર મંથન

એન.કે. દેસાઈ અને જે.પી. પારડીવાલા કોલેજનું સંયુક્ત આયોજન, 34 રિસર્ચ પેપર રજૂ, શ્રેષ્ઠ પેપર્સ સન્માનિત

બદલાતા સમય સાથે રોજગારીની પદ્ધતિઓમાં આવી રહેલા ક્રાંતિકારી ફેરફારોને સમજવા માટે પારડીની એન.કે. દેસાઈ સાયન્સ એન્ડ કોમર્સ કોલેજ તથા જે.પી. પારડીવાલા આર્ટ્સ એન્ડ કોમર્સ કોલેજના સંયુક્ત ઉપક્રમે નેશનલ કોન્ફરન્સનું આયોજન કરવામાં આવ્યું હતું. “શેપિંગ ધ ફ્યુચર ઓફ વર્ક: ગીગ ઈકોનોમી” વિષય આધારિત આ કોન્ફરન્સમાં શિક્ષણ જગતના દિગ્ગજો અને ઉદ્યોગ સાહસિકોએ ભારતની બદલાતી આર્થિક સ્થિતિ અને રોજગારીના નવા માળખા પર વિસ્તૃત ચર્ચા કરી હતી.

કોન્ફરન્સમાં કી-નોટ સ્પીકર તરીકે એલકોમ ફ્યુચર ટેક લિમિટેડના ફાઉન્ડર અને CMD પ્રસાદ ગંગાવકર ઉપસ્થિત રહ્યા હતા. તેમણે ટેક્નોલોજી અને ગીગ ઈકોનોમીના સમન્વયથી ભવિષ્યની રોજગારી કેવી રીતે આકાર લઈ રહી છે તે અંગે માર્ગદર્શન આપ્યું હતું. આ ઉપરાંત વલસાડની શાહ એન.એચ. કોમર્સ કોલેજના પૂર્વ આચાર્ય ડો. જે.એમ. નાયક, મા ફાઉન્ડેશનના CEO અમિત મહેતા અને એન્જય આઈટી સોલ્યુશન્સના MD લિમેશ પારેખે પણ વક્તા તરીકે વિદ્યાર્થીઓ અને સંશોધકોને ઉપયોગી માર્ગદર્શન આપ્યું હતું.

આ શૈક્ષણિક મહાકુંભમાં કુલ 63 પ્રતિભાગીઓ જોડાયા હતા. ગીગ ઈકોનોમીના વિવિધ પાસાઓ પર કુલ 34 ઉચ્ચ સ્તરીય રિસર્ચ પેપર રજૂ કરાયા હતા. જેમાંથી ઉત્કૃષ્ટ પ્રદર્શન કરનાર 6 રિસર્ચ પેપરને બેસ્ટ પેપર તરીકે પસંદ કરી સન્માનિત કરવામાં આવ્યા હતા.

કોન્ફરન્સના સત્રોમાં ચેરપર્સન અને પેનાલિસ્ટ તરીકે ડો. ગૌરાંગ રામી અને ડો. રાજુ રાઠોડે માર્ગદર્શન આપ્યું હતું. ડો. ગંગાબેન પટેલે સ્વાગત પ્રવચન આપ્યું હતું અને ડો. તપનસિંહ પરમારે આભારવિધિ કરી હતી. એન.કે. દેસાઈ કોલેજના ડાયરેક્ટર ડો. દીપેશ શાહ, ડો. શિવાની આચાર્ય, ડો. સતવિન્દર કોર, ડો. બિંદુ ત્રિવેદી અને તેમની ટીમે સમગ્ર કાર્યક્રમને સફળ બનાવ્યો હતો. પારડી એજ્યુકેશન સોસાયટીના પ્રમુખ હેમંત દેસાઈએ આયોજન ટીમને અભિનંદન પાઠવ્યા હતા.

ગીગ ઈકોનોમી એટલે એવી આર્થિક વ્યવસ્થા જેમાં વ્યક્તિઓ કાયમી નોકરીના બદલે ટૂંકા સમયના કામ અથવા પ્રોજેક્ટ આધારિત કામ કરે છે. આવા કાર્યમાં નોકરીદાતા અને કર્મચારી વચ્ચે સ્થાયી સંબંધ હોતો નથી. લોકો ફ્રીલાન્સર, કોન્ટ્રાક્ટર અથવા ડિલિવરી પાર્ટનર તરીકે કામ કરે છે. આ વ્યવસ્થામાં પેન્શન, પી.એફ. અને ઈન્શ્યોરન્સ જેવી સુવિધાઓનો અભાવ રહેતો હોઈ શકે છે અને આવક અનિયમિત હોવાની શક્યતા પણ રહે છે.

#પારડી #એનકેદેસાઈકોલેજ #જેપીપારડીવાલાકોલેજ #નેશનલકોન્ફરન્સ #ગીગઈકોનોમી #શિક્ષણસમાચાર #રિસર્ચપેપર #ફ્યુચરઓફવર્ક #Valsad #EducationNews

📌 નોંધ / Note:
આ લેખ LokGujarati.com પર પ્રકાશિત કરવામાં આવ્યો છે. લેખમાં રજૂ થયેલી માહિતી જાહેર સ્ત્રોતો, સ્થાનિક જાણકારી, Field Observations અને લેખકના અવલોકન પર આધારિત છે. આ માહિતી ખાસ કરીને Vapi, Valsad, Umbergaon, Bilimora, Navsari, Dang, Dharampur–Kaprada, Daman–Silvassa વિસ્તારના વાચકો માટે ઉપયોગી થાય તે હેતુથી રજૂ કરવામાં આવી છે.

LokGujarati.com નો મુખ્ય હેતુ Gujarati Readers સુધી સાચી, ઉપયોગી, Factual અને Verified Information પહોંચાડવાનો છે, જેથી સમાજ, સંસ્કૃતિ, Lifestyle અને Local Awareness વધુ મજબૂત બને.

જો તમને આ લેખ ઉપયોગી લાગ્યો હોય તો તેને Share કરો અને તમારા વિચારો Comment Section માં જણાવો.
Local information, Culture, Society અને Community-focused Content માટે LokGujarati.com સાથે જોડાયેલા રહો.